Էրդողանի քաղաքական կարիերան ավարտվում է. Ասադ
Աշխարհ
Սիրիայի նախագահ Բաշար Ասադը հայտարարել է, որ Թուրքիայի ինքնասեր նախագահ Ռեջեփ Թայիփ Էրդողանի քաղաքական կարիերան ավարտվում է, և սրանից հետո նա ինչ էլ անի, ուժի հավասարակշռությունը չի կարող փոխել իր օգտին:
Ինչպես հաղորդում է «Արմենպրես»-ը, այս մասին Ասադը հայտարարել է Չեխիայի հեռուստաալիքին տված հարցազրույցում:
Նա ասել է, որ Ռուսաստանին պատկանող Սու-24 ռմբակոծիչի՝ Սիրիայի տարածքում թուրքական օդուժի կողմից խոցելու պատճառն այն է, որ Էրդողանը չի ցանկանում հաշտվել սիրիական խնդրում իր կրած պարտության հետ:
Սիրիայի առաջնորդի խոսքով' «Էրդողանի պարտությունը, ահաբեկչական կազմակերպությունների պարտվելն ի վերջո բերելու է նրա քաղաքական կարիերայի ավարտին»:
Բաշար Ասադը նաև հավելել է, որ սրանից հետո Էրդողանն ինչ էլ անի, ուժային հավասարակշռությունը չի կարողանալու փոխել իր օգտին:
«Ահաբեկչության դեմ պայքարը շարունակվում է: Ռուսաստանի աջակցությունն ավելի ուժեղ է դառնալու»,- համոզմունք է հայտնել նա:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
