Տարվա մարդը` սահմանին ապրող քաղաքացին
Բլոգոսֆերա
Քաղաքական վերլուծաբան Մենուա Հարությունյանը ֆեյսբուքյան իր էջում գրել է.
«Տարվա մարդը' սահմանին ապրող քաղաքացին
Կարծում եմ' երկար պետք չէ բացատրել, թե ինչու ենք որոշում կայացրել տարվա մարդ 2015 մրցանակը հանձնել սահմանին ապրող Հայաստանի քաղաքացուն: Ինքս ծնվել և մանկությունս անցկացրել եմ սահմանին, և լավ հասկանում և գիտակցում եմ այս մարդկանց ամենօրյա փորձություններն ու խնդիրները, բայց նաև գիտեմ, որ սահմանին ապրող մարդիկ առավել պատասխանատու են, հայրենասեր և մարտական: Նրանց թիկունքում ապրողներս ևս պետք է պատասխանատվության բարձր զգացում ունենանք, որպեսզի ամուր պահենք այս մարդկանց թիկունքը, այլ ոչ' տարատեսակ ամբիցիաներով և պոպուլիզմով հարվածենք նրանց թիկունքից: Առաջիկա օրերին մենք կլինենք Տավուշի մարզի սահմանային գյուղերից մեկում, կնշենք նրանց հետ Ամանորն ու «Դե ֆակտո» ամսագրի տասնամյակը և նրանց կհանձնենք «Դե ֆակտո» ամսագրի արդեն 10-րդ տարվա մարդու արձանիկը:
Առաջին անգամ տարվա մարդու արձանիկը հանձնել եմ երջանկահիշատակ վարչապետ Անդրանիկ Մարգարյանին 2005 թվականին»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
