ԱՄՆ Պետդեպը հերքում է Իրանի հետ ուրանի հարստացման շուրջ փոխհամաձայնության մասին տեղեկությունները

ԱՄՆ Պետդեպարտամենտի մամլո քարտուղար Վիկտորիա Նուլանդը հերքել է ամերիկյան լրատվամիջոցներում հայտնված այն տեղեկությունն, ըստ որի ԱՄՆ իշխանությունները քննարկում են Իրանի հետ ուրանի հարստացման շուրջ հնարավոր փոխզիջումային տարբերակը։ Այդ հայտարարությունը Նուլանդն արել է ապրիլի 30–ին լրագրողների հետ հանդիպման ընթացքում։

Ինչպես հաղորդվում է Պետդեպի պաշտոնական կայքում տեղադրված հաղորդագրությունում, լրագրողներից մեկը հարցրել է, թե որ փոլում է գտնվում Իրանի հետ բանակցությունները, որպեսզի այդ երկրին թույլատրվի մինչև 5% հարստացնել ուրանը, մինչդեռ Իրանը հայտարաում է, որ արդեն 20% հարստացրած ուրան ունի։   

Նուլկանդը պատասխանել է, որ ԱՄՆ–ի դիրքորոշումը Իրանի միջուկային ծրագրի շուրջ անփոփոխ է և Իրանը պետք է դադարեցնի ուրանի հարստացումը, որը պահանջվում է ՄԱԿ–ի մի քանի բանաձևերի հիման վրա։ Պետդեպի ներկայացուցիչը ընգծել է, որ ուրանի հարստացման շուրջ հնարավոր փոխզիջման դեպքում լրագրողի հարցը հիմնված է կեղծ տեղեկության վրա։ 

Հիշեցնենք, որ անցյալ շաբաթ Los Angeles Times–ի հրապարակած հոդվածում նշվում էր, որ Սպիտակ տան վարչակազմը քննարկում է Իրանի հետ ուրանի հարստացման շուրջ փոխզիջումային տարբերակ, ըստ որի Իրանը ուրանը պետք է հարստացնի մինչև 5%;