Կրեմլը ԱՄՆ-ից պարզաբանումներ է ակնկալում Սպիտակ տան հայտարարությունների շուրջ

Սպիտակ տան մամուլի քարտուղար Ջոշ Էռնեստի հայտարարությունները, որը փաստորեն պաշտպանել Է ՌԴ նախագահի՝ իբր կոռումպացված լինելու վերաբերյալ ԱՄՆ-ի ֆինանսների նախարարության անապացույց պնդումները, անընդունելի են: Ռուսաստանում այդօրինակ մեղադրանքների համար նման կարգի ծառայողը կզրկվեր իր պաշտոնից: Այս հայտարարությամբ, ինչպես տեղեկացնում Է «Արմենպրես»-ը՝ հղում անելով ՏԱՍՍ-ին, հանդես Է եկել ՌԴ նախագահի մամուլի քարտուղար Դմիտրի Պեսկովը:

«Դա բացարձակապես անընդունելի Է հայտարարություն Է միջազգային հարաբերությունների պրակտիկայի տեսանկյունից, մերկապարանոց մեղադրանք»,- ասել Է նա:

«Դա այն աստիճան ակներեւ Է, որ դժվարությամբ Է վերլուծության ենթարկվում»,- հավելել Է Պեսկովը: «Մեզ համար դա դժվար Է պատկերացնել»,- ընդգծել Է ՌԴ նախագահի մամուլի քարտուղարը: «Եթե ես նման վիրավորանք թույլ տայի ԱՄՆ-ի նախագահի հասցեին, ինձ կհեռացնեին աշխատանքից»,- ասել Է Պեսկովը:

Նա հույս Է հայտնել, որ ամերիկյան կողմը պարզաբանումներ կտա Սպիտակ տան ներկայացուցչի արած հայտարարությունների կապակցությամբ:

Սպիտակ տան մամուլի քարտուղար Ջոշ Էռնեստը հունվարի 28-ին հայտարարել Է, թե Սպիտակ տանը համաձայն են ԱՄՆ-ի ֆինանսների նախարարության ներկայացուցչի դիրքորոշմանը, ով հայտարարել է, որ ՌԴ նախագահը «կոռումպացված Է»: «Ֆինանսների նախարարության այդ գնահատականը լավագույնս է արտահայտում վարչակազմի տեսակետը»,- ասել է նա՝ պատասխանելով լրագրողի հարցին, թե Բարաք Օբամայի վարչակազմը համամիտ է արդյոք ԱՄՆ-ի ֆիննախի ներկայացուցչի դիրքորոշմանը:

Այս շաբաթ ավելի վաղ BBC հեռուստաալիքի եթերում ցուցադրվել է հաղորդում, երի ընթացքում ԱՄՆ-ի ֆիննախի ներկայացուցիչ Ադամ Շուբինը «կոռումպացված» է անվանել Ռուսաստանի ղեկավարին:

ՌԴ նախագահի մամուլի քարտուղար Դմիտրի Պեսկովը հայտարարել է, որ ԱՄՆ-ի ֆիննախի մեկնաբանությունը պաշտոնական մեղադրանք է, որը ապացույցներ է պահանջում, բայց Մոսկվան դրանք չի պահանջելու:

«Մեր խնդիրը չէ՝ ապացույցներ պահանջել: Այժմ արդեն այդ գերատեսչության խնդիրն է՝ ներկայացնել ինչ-ինչ ապացույցներ եւ ցույց տալ, որ պաշտոնական ներկայացուցչի հայտարարությունները մերկապարանոց զրպարտանք չեն»,- հավելել է Պեսկովը: