DIY-ը պայթեցնողները ֆաշիստական երիտասարդական խմբի անդամներ են. DIY-ի սեփականատեր

«Իմ ու նրանց միջև խնդիրներն առաջացել են «Երկիր մեդիա»-ին տված հարցացրույցից հետո»,- այս մասին այսօր լրագրողների հետ հանդիպման ժամանակ հայտարարեց DIY ակումբի սեփականատեր Արմինե Օգանեզովան (Ծոմակ)՝ հավելելով, որ Թուրքիայում նույնասեռականների շքերթին մասնակցելուց հետո «Երկիր մեդիա» հեռուստաընկերությունը իրենից հարցազրույց է վերցրել:

«Նրանք աղավաղել իմ խոսքը ու հանել են բացարձակ թշնամի: Միանշանակ, միջադեպի պատճառը դաշնակցականներն են: Ես ինձ խաբված եմ զգում «Երկիր մեդիայի» կողմից: Ամբողջ խնդիրը իրենցից է սկսվել»,- ասաց Օգանեզովան:

Օգանեզովայի խոսքով՝ պայթեցնողները ֆաշիստական երիտասարդների խումբ է ու չգիտի՝ ումից է ղեկավարում:

«Դա 30-40 հոգուց բաղկացած խումբ է, որն ակտիվ գործունեություն է ծավալում»,- նշեց ակումբի սեփականատերը՝ հավելելով, որ պայթեցնողները երեքն են եղել, սակայն մեկին մինչև այժմ ոստիկանությունը դեռ չի բռնել, թեև Օգանեզովան ճանաչում է նրան:

Լուրեր.com-ի հարցին, թե իր անձնական անվտանգությանը սպառնալիք տեսնո՞ւմ է այն դեպքում, երբ կասկածյալներն ազատ են արձակվել, բանախոսը պատասխանեց. «Իսկապես, շատ եմ վախենում: Միայն իմ մասին չէ խոսքը, այլ նաև իմ ընկերների: Նրանք սպառնացել են և՛ ինձ, և՛ իմ ընկերներին»: