Մարսելի շրջակայքում մոլեգնող անտառային հրդեհները դուրս են եկել վերահսկողությունից
Աշխարհ
Տագնապալից իրավիճակ է ստեղծվել Մարսելի՝ Ֆրանսիայի՝ մեծությամբ երկրորդ քաղաքի շրջակայքում, երաշտի ֆոնին այնտեղ բռնկած անտառային հրդեհների պատճառով: Ինչպես հայտնել են Բուշ դյու Ռոնի դեպարտամենտի հրշեջ-փրկարարական ծառայությունում, Մարսելի հյուսիսային արվարձանների շրջանում կրակն արդեն դուրս է եկել վերահսկողությունից:
«Մենք չենք վերահսկում իրադրությունը: Կրակը մոլեգնում է ու տարածվում շատ արագ: Այն իր ճանապարհին շարունակում է ոչնչացնել ամեն ինչ, ներառյալ տներ»,- ասված է տեղի հրշեջ ծառայության հրապարակած հաղորդագրության մեջ:
Կրակի մարման աշխատանքներում գործի են դրված շուրջ 1800 հրշեջներ:
Ինչպես հայտնել է Ֆրանսիայի ներքին գործերի նախարար Բեռնար Կազնյովը, հրդեհներն ընդգրկել են ավելի քան 2 հազար հեկտար մակերես, եւ կրակի տարածումը կանգնեցնել առայժմ չի հաջողվում:
Թանձր ծխի պատճառով Մարսելի օդանավակայանում չեղարկվել կամ հետաձգվել են առեւտրային շատ չվերթեր: Հրշեջ ծառայությունների տվյալներով՝ հրդեհների հետեւանքով տուժել է երկու մարդ, քանդվել է 20-ից մինչեւ 25 տուն, հաղորդել է ՏԱՍՍ գործակալությունը:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
