Ճապոնիայում վերագործարկվել է «Իկատա» ատոմակայանի երրորդ ռեակտորը

Ճապոնիայի «Իկատա» ատոմակայանի գործարկու-ընկերությունը՝ Shikoku Electric Power-ը, Էհիմեի պրեֆեկտուրայում վերագործարկել է կայանի երրորդ ռեակտորը: Այս մասին հայտնել է Կիոդո գործակալությունը: Չնախատեսված իրավիճակների մասին տեղեկություններ չեն ստացվել:

«Իկատա» ատոմակայանի երրորդ ռեակտորը կառուցվել է 1994 թվականին: Դրա հզորությունը կազմում է 890 մեգավատ:

Նախքան «Ֆուկոսիմա-1» ԱԷԿ-ի վթարը ատոմային էներգետիկային բաժին էր ընկնում Ճապոնիայի էներգահաշվեկշռի շուրջ 30 տոկոսը: Դրանից հարկադիր ժամանակավոր հրաժարման հետեւանքով երկիրն ստիպված էր էլեկտրաֆիկացման հիմնական բեռը դնել ջերմակայանների վրա: Ներկայում կառավարությունը տրամադրված է աստիճանաբար վերականգնելու ատոմակայանների աշխատանքը: Սակայն, դրան դեմ է երկրի բնակչության զգալի մասը: Մասնագետները նշում են, որ Ճապոնիայի ատոմային էներգետիկայի ապագան նախկինի պես հարցականի տակ է գտնվում:

Անցյալ տարի արդեն վերագործարկվել են «Սենդայ» (Կոգոսիմայի հարավարեւմտյան պրեֆեկտուրա) կայանի երկու էներգաբլոկներ: Ավելի ուշ Ֆուկուիի պրեֆեկտուրայում վերսկսվել է «Տակահամա» ատոմակայանի երկու ռեակտորների աշխատանքը, սակայն դրանից մի քանի ամիս անց դատարանի վճռով դրանք կանգնեցվել են, հաղորդել է ՏԱՍՍ-ը: