Հալեպում գրոհայինները կրակահերթի տակ են պահել ռազմական ակադեմիան եւ օդանավակայանը
Աշխարհ
Սիրիական Հալեպ քաղաքում անցած մի քանի օրերին ահաբեկչական խմբավորումները կրակահերթի տակ են պահել ռազմական ակադեմիան, երկու բնակելի թաղամաս եւ օդանավակայանը: Այս մասին տեղեկացնում է Interfax.ru-ն:
«Հալեպում ահաբեկիչները համազարկային կրակի ռեակտիվ կայաններից, ինչպես նաեւ ականանետներով կրակահերթի տակ են պահել քաղաքի հարավային հատվածում գտնվող ֆերմաները, ցեմենտի գործարանը, Էլ-Ասադ ռազմական ակադեմիան, գյուղատնտեսական շուկան, առեւտրի կենտրոններից մեկը, երկու բնակելի թաղամաս, ինչպես նաեւ Էն-Նաիրաբ օդանավակայանը»,- այս մասին ասված է Սիրիայում հակամարտող կողմերի հաշտեցման ռուսական կենտրոնի հաղորդագրության մեջ:
ՌԴ պաշտպանության նախարարությունը հայտարարել է, որ «Ջեբհատ ան-Նուսրա» եւ «Իսլամական պետություն» ահաբեկչական խմբավորումները շարունակում են խոչընդոտել ռազմական գործողությունների դադարեցման ռեժիմի վերջնական հաստատմանը:
Նախարարությունից նաեւ տեղեկացրել են, որ մեկ օրվա ընթացքում գրանցվել է ռեժիմի խախտման 10 դեպք Դամասկոսում եւ Լաթաքիայում:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
