ԼՂ հակամարտության վերջնական կարգավորումը կախված է կողմերի քաղաքական կամքից. Ուորլիք
Արտաքին Քաղաքական
Լեռնային Ղարաբաղի հակամարտության վերջնական կարգավորումը կախված է կողմերի քաղաքական կամքից: Այդ մասին օգոստոսի 16-ին ՌԻԱ Նովոստիին հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Նրա խոսքով՝ ավելի վաղ Վիեննայում և Սանկտ Պետերբուրգում Հայաստանի և Ադրբեջանի նախագահներ Սերժ Սարգսյանի և Իլհամ Ալիևի միջև կայացած հանդիպումները «նոր ազդակ հաղորդեցին հակամարտության լայն կարգավորման բանակցային գործընթացին»:
«Կարևորն այն է, որ նախագահները վերահաստատեցին հակամարտության խաղաղ լուծման իրենց հանձնառությունը՝ շփման գծում հարաբերական կայունության պահպանմամբ: Բացի այդ, ակտիվորեն քննարկվել են առաջարկություններ, որոնք կարող են վերականգնել խաղաղությունը կողմերի միջև»,-ասել է Ուորլիքը:
«Մենք պահպանում ենք լավատեսությունը և հավատում, որ այս տարի համանախագահները, բարձրաստիճան պաշտոնատարների աջակցությամբ, կշարունակեն աշխատանքը հակամարտության կարգավորման գործում առաջընթացի հասնելու ուղղությամբ: Հակամարտության խաղաղ ու վերջնական կարգավորումը կախված է երկու կողմերի քաղաքական կամքից»,-հավելել է ԵԱՀԿ Մինսկի խմբի ամերիկացի համանախագահը:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
