ՀԱՊԿ պաշտպանության նախարարները քննարկել են ՀՕՊ ոլորտում համագործակցության կատարելագործման հարցեր
Արտաքին Քաղաքական
Հավաքական անվտանգության պայմանագրի կազմակերպության անդամ երկրների պաշտպանության նախարարների խորհրդի նիստի ձևաչափը յուրահատուկ հնարավորություն է տալիս քննարկելու տարածաշրջանի արդիական հարցերն անվտանգության տեսանկյունից: Երևանում ՀԱՊԿ անդամ երկրների պաշտպանության նախարարների խորհրդի նիստից հետո լրագրողներÕ « հետ հանդիպմանն այս մասին ասաց ՀՀ պաշտպանության նախարար Սեյրան Օհանյանը:
«Հանդիպման հարցերից մի քանիսը վերաբերում է ՀԱՊԿ անդամ երկրների ռազմատեխնիկական համագործակցության ընդլայնմանը, այդ երկրների զինված ուժերի համակարգերի համագործակցության կատարելագործմանը և գիտատեխնիկական կազմակերպությունների ստեղծմանը՝ հակաօդային պաշտպանության ոլորտում»,- ասաց Օհանյանը:
Հավաքական անվտանգության պայմանագրի կազմակերպության անդամ երկրների պաշտպանության նախարարների խորհրդի նիստը կայացել է Երևանում 2016թ. օգոստոսի 16-ին: Նիստին մասնակցելու նպատակով Հայաստան են ժամանել ՀԱՊԿ անդամ պետությունների' Բելառուսի, Ղազախստանի, Ղրղըզստանի, Ռուսաստանի, Տաջիկստանի պաշտպանական գերատեսչությունների պատվիրակությունները, ՀԱՊԿ գլխավոր քարտուղար Նիկոլայ Բորդյուժան և ՀԱՊԿ Միացյալ շտաբի պետ, գեներալ-գնդապետ Անատոլի Սիդորովը:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
