Փրկարարներն օգնության են հասել Հրազդանի կիրճում ջրահեղձվող քաղաքացուն

ՀՀ արտակարգ իրավիճակների նախարարությունն օգոստոսի 16-ին ժամը 13.35-ին ահազանգ է ստացել, որ Երևանի Արաբկիր այգու մոտակայքում՝ Հրզադանի կիրճում, քաղաքացի է ջրահեղձվում. անհրաժեշտ է փրկարարների օգնությունը:

Ինչպես տեղեկացրին ՀՀ ԱԻՆ-ից, դեպքի վայր է մեկնել մեկ մարտական հաշվարկ, հատուկ նշանակության փրկարարական աշխատանքներ իրականացնող կենտրոնի փրկարարական ջոկատը, ջրասուզակ, ճգնաժամային կառավարման ազգային կենտրոնի օպերատիվ խումբը հոգեբանական խորհրդատվության գծով հրահանգչի հետ:

Ժամը 14.02-ին փրկարարները քաղաքացուն դուրս են բերել ջրից:

Կտրվի լրացուցիչ տեղեկություն: