«Վաճառեցիք մանկապարտեզները, թանգարանները, գրադարանները, նույնիսկ քաղաքի մայթերը, հիմա ի՞նչ եք ուզում»

Էջմիածնի նախկին քաղաքապետ Հրաչիկ Աբգարյանը պնդում է, թե իբր 8 000 էջմիածնեցու ստորագրությամբ դիմում է ստացել, որով իրեն խնդրել են առաջադրվել քաղաքապետի թեկնածու: Այս արտահայտությանն արձագանքել է Էջմիածնի բնակչուհի Հեղինե Ղազարյանը.

«Պարոն Աբգարյան, որպես Էջմիածնի բնակիչ ու նախկին քաղաքապետ, ո՞նց եք Ձեզ թույլ տալիս խոսել մի ամբողջ քաղաքի 8000 բնակիչների անունից։ Չէ՞ որ այդ 8000 բնակիչների մեջ մտնում եմ նաև ես՝ իմ հարազատ-բարեկամով ու բարցրաձայն ասում եմ' դա սուտ է:

Արժանիք ունեցող ոչ մի քաղաքացի մեր Սուրբ քաղաքը, նորից սխալ չի գործի, վստահի ձեզ: Դուք՝ որպես մարդ, Ձեր շրջապատի համար միգուցե լավն եք, բայց, որպես քաղաքապետ, մեր քաղաքի ու քաղաքացիների համար՝ ոչ արժանի: Հիշեք, թե Ձեր ղեկավարած տարիներին ինչ վիճակում էր մեր սուրբ քաղաքը՝ խղճուկ ու անտեսված,․անգամ աշխատող հավաքարարին տարիներ էր պետք, որ ինչ-որ մեկին ծանոթ գտներ՝ ստանար իր աշխատավարձը:

Քաղաքացիների հարցերին Ձեր փոխարեն պատասխանում էին Ձեր քարտուղարուհիները։ Վաճառեցիք մանկապարտեզները, թանգարանները, գրադարանները, նույնիսկ քաղաքի մայթերը, հիմա ի՞նչ եք ուզում․․․

Չնայած բոլոր այդ ձեր թերություններին՝ 2008 թ. սկսած մեր քաղաքը վերածվեց դրախտի: Միգուցե հիմա նորից ազատ տարածք եք տեսել, փող է պետք, ուզում եք վաճառել. դա ձեզ մոտ լավ է ստացվում։

Մեր քաղաքապետ Կարեն Գրիգորյանը Էջմիածնի անփոխարինելի քաղաքապետն է, և ոչ ոք չի կարող համեմատվել Կարեն Գրիգորյանի հետ։

Ես չեմ հավատում, որ մեր քաղաքում կա թեկուզ 800 ընտրող, որ չի կամենում քաղաքապետի պաշտոնում տեսնել Կարեն Գրիգորյանին: Ամբողջ Էջմիածինն է հպարտ, որ Կարեն Գրիգորյանի նման քաղաքապետ ունի: Նրա կատարած աշխատանքների թվարկումը հարյուրավոր էջեր կզբաղեցնի:

Իսկ Դուք, պարո´ն Աբգարյան, ժամանակին ծախեցիք քաղաքապետարանի եղած-չեղածն ու թողիք գնացիք: Նույնիսկ մեկ աղբատար մեքենա չուներ քաղաքապետարանը Ձեր օրոք, իսկ այսօր 15-16 մեքենայով ամենօրյա հիասքանչ մաքրություն է երաշխավորվում»: