Հայկական կողմը երբեք չի խուսափել ԼՂ խնդրի կարգավորման բարձր մակարդակի հանդիպումներից. Շավարշ Քոչարյան
Արտաքին Քաղաքական
Հայկական կողմը երբեք չի խուսափել Լեռնային Ղարաբաղի հակամարտության կարգավորմանն ուղղված բարձր մակարդակի հանդիպումներից, եթե դրանցում կարելի է հասնել որևէ արդյունքի: Կառավարության նիստից հետո լրագրողների հետ զրույցում այդ մասին նշեց ՀՀ արտաքին գործերի նախարարի տեղակալ Շավարշ Քոչարյանը պատասխանելով հարցին՝ արդյոք նախատեսվում է Սարգսյան-Պուտին-Ալիև նոր հանդիպում:
«Տվյալ դեպքում արդյունքը Վիեննայում և Սանկտ Պետերբուրգում տեղի ունեցած հանդիպումների ընթացքում ձեռք բերված պայմանավորվածությունների իրականացումն է։ Արդյունքը կարող է լինել թե՛ տեղաշարժը բանակցային գործընթացում, թե՛ Վիեննայի և Սանկտ Պետերբուրգի հանդիպումները կյանքի կոչելը, այսինքն՝ կրակի դադարեցման ռեժիմի ամրապնդումը, հավատարիմ մնալը 1994 թվականի զինադադարի մասին համաձայնագրին, Կասպրշիկի խմբի առաքելությունների ավելացմանն ու սահմանային միջադեպերի հետաքննման մեխանիզմների ներդրմանը»,–ասաց Շավարշ Քոչարյանը՝ ավելացնելով, որ այդ պայմանավորվածություններում առաջընթաց կլինի այն դեպքում, երբ սկսեն գործել այդ մեխանիզմները:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
