Հանրահավաքն ավարտվեց Ազատության հրապարակում (ուղիղ միացում)

21:46

Ազատության հրապարակում ավարտվեց ի պաշտպանություն «Սասնա ծռերի» կազմակերպված հանրահավաքը:

Հավաքվածները պայմանավորվեցին կրկին հավաքվել հաջորդ ուրբաթ օրը:

20:45

Գյումրիի «Ասպարեզ» լրագրողների ակումբի նախագահ Լևոն Բարսեղյանը նշեց.-««Սասնա ծռերի» ապստամբության պատճառները տարիներ շարունակ հնչել են, խոսքը օրինավոր իշխանություն ունենալու մասին է։ Շուրջ երկու տասնամյակ հանրությունը խաբար չէ՝ ինչպես է ինքը քվեարկում, ամեն անգամ ԿԸՀ-ն ելնում է ինչ-որ թվեր են պատմում ու իրենք իրենց հայտարարում են նախագահ ու Ազգային ժողով։ Հետո էլ ժողովուրդը ոտքի է հելնում, ծեծել ջարդել, հետո գնդակահարել, սա է սրանց կերպարը՝ ամեն գնով իշխանությունը պահել, որովհետեւ շատ լավ գիտեն, որ իշխանություն չունենալու դեպքում «Կոշ-ի», «Արթիկ»-ի բերդերը իրենց են սպասում»:

20:20

Ազատության հրապարակում մեկնարկել է ի պաշտպանություն «Սասնա ծռերի» կազմակերպված հանրահավաքը:

Հավաքի ընթացքում ընթերցվեց ազատամարտիկ Գևորգ Եղիազարյանի նամակը, որում նշում էր, որ բանտարկյալները ճաղերի հետևից հետևում են, թե ինչ է կատարվում դրսում: Հույսն էլ դրել են ժողովրդի վրա:

Ազատության հրապարակում է նաև նախօրեին կալանքից ազատված, «Ժառանգության» փոխնախագահ Արմեն Մարտիրոսյանը։

Վերջինս նշեց, որ ցանկացած պարագայում իր սկզբունքները չի փոխում:

«Ունենք շատ ավելի մեծ կորցնելու բան, քան ժամանակավոր ազատությունը, իսկ այդ մեծ բանը Հայաստանն է, մեր հայրենիքը, որը բացառապես կարող է գոյատևել մեր պայքարի արդյունքում: Հավատամքս ինչպես եղել է պայքարը, նպատակս ինչպես եղել է երկրում արմատական փոփոխություններ անցկացնելը, չի փոխվել, նահանջի ճանապարհ չկա»,- իր խոսքում շեշտեց Արմեն Մարտիրոսյանը:

Ուղիղ միացումը՝ Ազատություն ռ/կ-ի և 1in.am-ի