Մենք «Մանչեսթեր Յունայթեդն» ենք և սովոր ենք միշտ հաղթել. Պոգբա
Սպորտ
«Մանչեսթեր Յունայթեդ»-ից Պոլ Պոգբանը, Անգլիայի առաջնության երկրորդ տուրում սեփական հարկի տակ «Սաութեմփթոնի» նկատմամբ հաղթանակից հետո, մանչեսթերյան ակումբի պաշտոնական կայքի հետ զրույցում նշել է.
«Ես ինձ շատ լավ եմ զգում, քանի որ վերադարձել եմ հարազատ ակումբ: Մենք լավ արդյունք գրանցեցինք, ուստի ես երջանիկ եմ: Ես չգիտեի, որ 90 րոպե կխաղամ, մարզիչը վստահեց ինձ, և դա ինձ ուրախացնում է»,- ասել է Պոգբան:
Խոսելով «Սաութեմփթոնի» դեմ խաղի մասին ֆրանսիացի կիսապաշտպանը նշել է, որ հանդիպման առաջին 20 րոպեների ընթացքում իրենց համար շատ դժվար էր խաղի մեջ մտնել: «Բայց, երբ մենք սկսեցինք խաղալ մեր ֆուտբոլը, կարողացանք հեղինակել առաջին գոլը: Զլատան Իբրահիմովիչը շատ բան է անում թիմի համար, և դա հենց այն է, ինչ մենք ցանկանում ենք: Ահա, թե ինչու է նա այստեղ, և ես հույս ունեմ, որ նա անընդհատ գոլեր կհեղինակի»,- հավելել է Պոգբան:
Անդրադառնալով այն հարցին` կարո՞ղ է Ժոզե Մոուրինյոյի գլխավորած թիմն ընթացիկ մրցաշրջանում լուրջ հաջողությունների հասնել, Պոգբան պատասխանել է. «Ես հույս ունեմ, որ այդպես էլ կլինի: Դա այն է, ինչ մենք ցանկանում ենք: Մենք «Մանչեսթեր Յունայթեդն» ենք, մենք սովոր ենք միշտ հաղթել: Միակ բանը, որ մենք ցանկանում ենք անել, հաղթելն է»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
