Հրդեհ Առինջ գյուղում

Օգոստոսի 20-ին, ժամը 19.57-ին ահազանգ է ստացվել, որ հրդեհ է բռնկվել Կոտայքի մարզի Առինջ գյուղի 1-ին փողոցի 5-րդ տան տանիքում:

Դեպքի վայր է մեկնել վեց մարտական հաշվարկ, ճգնաժամային կառավարման ազգային կենտրոնի օպերատիվ և արձագանքման խմբերը:

Պարզվել է, որ հրդեհը բռնկվել է թիվ 18, 20 և 22 տան տանիքներում:

Հրդեհը մեկուսացվել է ժամը 21.00-ին, մարվել՝ 21.29-ին։ Այրվել է տանիքների փայտե կառուցատարերը ամբողջությամբ՝ մոտ 400 ք.մ, և այրվել է թիվ 18 տան հյուրասենյակը գույքով ամբողջությամբ մոտ 70 ք.մ, իսկ խոհանոցը և սանհանգույցը ջերմահարվել մոտ 30 ք.մ: