Պուտինն ու Օբաման խաղաղություն չբերեցին սիրիացուն

2014-ի ուկրաինական իրադարձությունները և հատկապես Ղրիմի միացումը կամ բռնակցումը Ռուսաստանին դարձան Արևմուտքի և Ռուսաստանի միջև նոր սառը պատերազմի մեկնարկն՝ ուղեկցվող փոխադարձ պատժամիջոցներով ու սև ցուցակներով:

Նոր իրավիճակով պայմանավորված ԱՄՆ-ի և Ռուսաստանի նախագահների հանդիպումները դարձել են խիստ հազվադեպ:

Թերևս այս հանգամանքով ու նաև սիրիական ճգնաժամով պայմանավորված բոլորն անհամբերությամբ սպասում էին Չինաստան Հանչժոու քաղաքում ընթացող քսանյակի գագաթնաժողովի շրջանակներում պլանավորված Բարաք Օբամա-Վլադիմիր Պուտին հանդիպմանը:

Այն երեկ կայացավ: Նախագահները մոտ մեկ ժամ զրուցեցին, սակայն, ըստ ամենայնի, այդպես էլ համաձայնության չեկան սիրիական հարցում: Արաբական երկրում ծավալվող իրադարձությունների զարգացումների վերաբերյալ միանգամայն տարբեր մոտեցումներ ունեն Մոսկվան և Վաշինգտոնը: 

Մոսկվան դաշնակից է համարում Ասադի ռեժիմը և իր օդային հարվածներից թիրախ դարձրել է առաջին հերթին հենց այս ռեժիմի հակառակորդներին:

Սպիտակ տան համար Ասադի իշխանությունը քաղաքական հեռանկար չունի, բայց ԱՄՆ-ի ընթացքում օրակարգում առաջնայինը ոչ թե Սիրիայի նախագահի հեռացումն է, այլ «Իսլամական պետություն» խմբավորման ոչնչացումը:

Քսանյակի գագաթնաժողովը կարող էր նպաստել սիրիական հարցում ընդանուր օրակարգի ձևավորմանը բայց չինական հյուրընկալությունը չկարողացավ կոտրել՝ Պուտինի և Օբամայի համառությունը:

Սագիս Հակոբյան