Կես տարում արտակարգ իրավիճակներում զոհվել է 139 մարդ

ՀՀ-ում 2016 թ. հունվար-հունիս ամիսներին գրանցվել է 5 101 արտակարգ իրավիճակ, տուժել է 4 253 մարդ (139-ը զոհվել են, 4 114-ը' վիրավորվել), 2 787-ը' ժամանակավորապես տարհանվել: Ըստ ՀՀ ԱԻՆ փրկարար ծառայության ամփոփ տեղեկատվության, 2016 թ. hունվար-հունիսին արտակարգ իրավիճակների վերացման աշխատանքների իրականացման նպատակով պատրաստվել և ուսուցանվել է արտակարգ իրավիճակներում բնակչության պաշտպանության համակարգի 1 254 ղեկավար և մասնագետ: Գրանցված արտակարգ իրավիճակներից 216-ը տարերային աղետներ են, ինչի պատճառով տուժել է 6 մարդ, այդ թվում ամպրոպի, կայծակի և սելավի հետևանքով՝ 2 զոհ, ժամանակավորապես տարհանվել է 2 780 մարդ:

Արտակարգ իրավիճակներից 2 909 դեպքը գրանցվելէ տեխնածին աղետներում, որից ընդհանուր տուժել է 2 106 մարդ: Այդ թվում 118-ը զոհվել են 1 988-ը վիրավորվել,7-ը ժամանակավորապես տարհանվել են: 1976 սոցիալ-կենցաղային աղետներից ընդհանուր առմամբ տուժել է 2 141 մարդ, այդ թվում՝ 19 զոհ և 2 122 տարհանված: Ընդ որում, 1 889 դեպքում գրանցվել է թունավորում, ինչի հետևանքով տուժել է 2 131 մարդ, որից 11-ը զոհվել են, իսկ 2 120-ը՝ վիրավորվել: