«Բանակ-2016». Հայաստանը, Բելառուսը եւ Ղազախստանը զարմացրել են բոլորին

Հասարակություն 6 Սեպտեմբեր, 2016 18:40

Մերձմոսկովյան «Պատրիոտ» զբոսայգում տեղի Է ունեցել «Բանակ-2016» միջազգային համաժողովի բացման հանդիսավոր արարողությունը, որին մասնակցում են 80-ից ավելի պետություններ: Ռազմական, արտադրական ու գիտատեխնիկական համագործակցության ամրապնդմանը նվիրված նիստում ողջույնի խոսքով հանդես Է եկել ՌԴ պաշտպանության նախարար Սերգեյ Շոյգուն:

Անցյալ տարվա համեմատությամբ համաժողովն առանձնանում Է ներկայացված տեխնիկայի ինովացիոնությամբ: Ընդլայնվել Է մասնակիցների աշխարհագրությունը, եւ Էապես ավելացել Է նրանց թվաքանակը: Զենքը դիտելու են եկել սովորական մարդիկ եւ օտարերկրյա զինվորականներ, այդ թվում ՝ Վենեսուելայից, Սերբիայից, Չինաստանից եւ Հյուսիսային Կորեայից: Հետխորհրդային տարածքի երեք երկրներ՝ ՀԱՊԿ-ի գծով դաշնակիցներ Հայաստանը, Բելառուսը եւ Ղազախստանը, ներկայացրել են զենքի եւ տեխնիկական նորույթների ընդգրկուն ցուցադրանքներ՝ մեծամասամբ ինովացիոն:

«Անտարակույս, նման լայն ներկայացուցչությունը նպաստում Է ռազմական ոլորտում միջազգային գործընկերության ակտիվացմանը,-հայտարարել Է ՌԴ պաշտպանության նախարարը:-Վստահ եմ, որ «Բանակ-2016» ֆորումը կնպաստի մասնակից երկրների պաշտպանական գերատեսչությունների եւ գիտաարտադրական համալիրի ներկայացուցիչների կարծիքների կառուցողական փոխանակմանը:

Այդ նպատակով համաժողովի ծրագրում վերառված են հարյուրից ավելի պաշտոնական միջոցառումներ»:Բելառուսները ներկայացրել են նորագույն օպտիկական համակարգեր, մարտական ռոբոտներ եւ «Ավտոժիր» թռչող սարքը, Հայաստանը՝ հրետանային նշանառման սարքեր, որոնք պիտանի են լեռնային պայմաններում կիրառելու համար:

Ղազախստանը ցուցադրում Է զրահատեխնիկա: «Բանակ-2016» ֆորումը կտեւի մինչեւ սեպտեմբերի 11-ը: «Բանակ-2016» ֆորումը տեղավորված Է ավելի քան 80 հազար քառակուսի մետր մակերեսով տաղավարներում, իսկ ռազմական ու հատուկ տեխնիկայի ցուցադրման համար հատկացված են ավելի քան 100 հազար քառակուսի մետր մակերեսով ունիվերսալ բաց հարթակներ: