113 տարեկանում մահացել է ամենածեր ֆրանսուհին

Ֆրանսիայի ամենածեր բնակիչ Էլիզաբեթ Կոլլոն մահացել է 113 տարեկանում: Նրա ընտանիքի անդամները տեղեկացրել են, որ կինը ճաշից հետո քնել է ու այլևս չի արթնացել:

Էլիզաբեթ Կոլլոն ծնվել է 1903 թվականի հունիսի 21-ին Անդելո-Բլանշվիլ քաղաքում Ֆրանսիայի արևելքում: Վերապրելով երկու համաշխարհային պատերազմները` նա դաստիարակել է վեց երեխաների, ունեցել 11 թոռ, 24 թոռան երեխա և 5 թոռան թոռ: Կինը մինչև կյանքի վերջին տարիները վարել է ակտիվ կյանք ու մեքենայով ճանապարհորդությունների գնացել: