Մանկապարտեզներում բարձիթողի վիճակ է, ինչու պատասխանատվություն կրողներ չկան

Սպառողների միության նախագահ Արմեն Պողոսյանը թերահավատորեն է մոտենում մեր երկրում մանկապարտեզների սանիտարահիգենիկ վիճակին:

Ասում է, թե կյանքի փորձը ցույց է տալիս, որ մանկապարտեզներում անգամ երեխաներին տրվող սնունդն անորակ կարող է հասնել, վնասել երեխաներին, սակայն ոչ ոք պատասխանատվություն չկրի, պատճառը ոլորտում բարձիթողի վիճակն է:

ԼՈւՐԵՐ.com-ի թղթակցի հետ զրույցում Արմեն Պողոսյանն ասաց, որ կոնկրետ դեպքերի առնչությամբ` Արմավիրի մարզում և Երևանում գրանցված դեպքերով, հարցումներ է ուղարկել գլխավոր դատախազություն, վարչապետին, թե ով է սերտիֆիկացրել մանկապարտեզների խոհանոցները, սակայն իրեն տրված պատասխանները անորոշ են. «Գրված է՝ սերտիֆիկացումը պարտադիր չէ, ես չեմ հարցնում պարտադիր է, թե՝ ոչ, ես հարցնում եմ` ով է սերտիֆիկացրել, ես գիտեմ՝ ով է, և շատերը գիտեն, բայց ինձ թղթի վրա չեն տալիս կոնկրետ անուն: Իմ նպատակն է համոզվել, որ այդ պռոբլեմները լուծված են և վաղը չի կրկնվի, սակայն ոչ կոմպետենտ պատասխաններից հակառակն է բխում, և մենք վտանգի տակ ենք»,- ասում է Պողոսյանը և հավելում, որ մանկապարտեզի տնօրենը, երբ արձակուրդ է գնում, մեկ ուրիշին նշանակում է տնօրեն, նոր գնում է, սակայն ինչ դեպք տեղի է ունենում, ասում են, թե տնօերնն արձակուրդի մեջ է եղել, արդյունքում` նա վերադառնում է իր պաշտոնին՝ առանց պատասխանատվություն կրելու:

Պողոսյանը նշում է, որ, օրինակ, անցած տարի 40 երեխա միաժամանակ մանկապարտեզներից հայտնվել են հիվանդանոցներում, առ այսօր անցել է մեկ տարի, սակայն ոչ մի պատասխանատուի արձագանք չի բովանդակում խնդրի առարկայական մոտեցում: