Էկրան Է բարձրանում «Հիանալի յոթնյակը» վեսթեռնի «մուլտիԷթնիկ» ռիմեյքը

Սեպտեմբերին աշխարհի կինոթատրոնների Էկրաններ կբարձրանա «Հիանալի յոթնյակը» վեսթեռնի «մուլտիԷթնիկ» ռիմեյքը՝ գլխավոր դերերում սեւամորթ Դենզել Վաշինգտոնի, ինչպես նաեւ կորեացու, մեքսիկացու եւ հնդկացու մասնակցությամբ, տեղեկացնում Է «Արմենպրես»-ը՝ հղում անելով BBC-ին:

Դերասանների անսպասելի կազմն առաջացրել Է քննադատների զարմանքը, բայց ֆիլմի ռեժիսոր Անտուան Ֆուկուան, որը թխամորթ ամերիկացի Է, ասում Է, որ ոչ մի հատուկ նպատակ չի հետապնդել գլխավոր հերոսների նման խումբ հավաքելով:

«Ես պարզապես ցանկանում Էի Դենզել Վաշինգտոնին տեսնել ձի հեծած: Իսկ մնացած ամեն ինչ բնականորեն ներհյուսվեց այդ գաղափարին»,-ասել Է Ֆուկուան՝ սեպտեմբերի 8-ին ֆիլմի ցուցադրումից առաջ ելույթ ունենալով Տորոնտոյի փառատոնում:

Տորոնտոյի միջազգային կինոփառատոնը բացվել Է նոր «Հիանալի յոթնյակի» ցուցադրմամբ:

Բացի Դենզել Վաշինգտոնից, կովբոյների «յոթնյակը», որոնք քաղաքը պաշտպանում են ելուզակախմբից, կազմել են կորեացի Բեն Խուն Լին, մեքսիկացի Մանուել Գարսիա-Ռուլֆոն, ամերիկյան հնդկացի Մարտին Սենսմայերը եւ երեք սպիտակամորթ ամերիկացիներ Վինսենթ դ՛ Օնոֆրիոն, Քրիս Փրաթը եւ Իթան Հոքը:

Նոր «Հիանալի յոթնյակը» Ջոն Սթերջեսի դասական վեսթեռնի ռիմեյքն Է, որը նկարահանվել Է 1960 թվականին: Այդ ֆիլմը, իր հերթին, եղել Է Ակիրո Կուրոսավայի «Յոթ սամուրայներ» ճապոնական փիլիսոփայական դրամայի ստեղծագործական մշակումը, որը լույս Է տեսել 1954 թվականին: