Ստրոս-Կանին կասկածում են խմբակային բռնաբարության մեջ

Սեռական սկանդալի արդյուքում աշխատանքից ազատված Միջազգային վալյուտային ֆոնդի նախկին ղեկավար Դոմինիկ Ստրոս-Կանին կասկածում են Վաշինգտոնյան մասնավոր երեկույթի ժամանակ տեղի ունեցած խմբակային բռնաբարությանը մասնակցելու մեջ։

Ֆրանսիայի դատախազությունը սկսել է մեղադրանքների նախնական քննությունը, որն իբր տեղի է ունեցել 2010 դեկտեմբերին ԱՄՆ-ի մայրաքաղաքի հյուրանոցներից մեկում։

63-ամյա ֆրանսիացի քաղաքական գործիչը, 3 այլ տղամարդկանց հետ համատեղ, այժմ դիտարկվում է որպես կավատաության գործով կասկածյալ։

Ներկայացված մեղադրանքում խոսքը գնում է Վաշինգտոնի, Լիլի և Փարիզի «Քալթոն» հյուրանոցում անցկացվող օրգիաների համար մարմնավաճառներ մատակարարող խմբավորման հետ ունեցած կապերի մասին։

Անցյալ տարի դատարանը մեկ այլ՝ սեռական ոտնձգությունների գործում անբավարար էր համարել տուժողի՝ Նաֆիսաթ Դիալոյի ցուցմունքը և արդարացրել էր Ստրոս-Կանին։ Դատավարությունը, սակայն, վերջ էր տվել Ստրոս-Կանի քաղաքական կարիերային և Ֆրանսիայի նախագահական ընտրություններում նրա հաղթանակի հնարավորությանը՝ չնայած արդարացմանը։

Այս անգամ ոստիկանությունը խոսում է «W» հյուրանոցում դեկտեմբերի 16-ին տեղի ունեցածի մասին, որը որակվում է որպես խմբակային բռնաբարություն։

Մեղադրանքը հիմնվում է իրադարձության ականատես բելգիուհի մարմնավաճառի ցուցմունքի վրա, որի խոսքերով՝ նրան այդ գիշեր ստիպել են մասնակցել այնպիսի գործողությունների, որին ինքը համաձայն չի եղել։

Նշենք սակայն, որ մարմնավաճառներից մյուսը կասկածի տակ է առել իր գործընկերուհու ցուցմունքը։

Ստրոս-Կանը հաստատել է, որ մասնակցել է հանցավոր խմբակցության կողմից մատակարարվող մարմնավաճառների մասնակցությամբ երեկույթներին, սակայն պնդում է, որ չգիտեր, որ ներկաները պրոֆերսիոնալ մարմնավաճառներ են։

Մեղավոր ճանաչելու դեպքում Ստրոս-Կանին սպառնում է մինչև 20 տարի ազատազրկում, մի այդքան էլ նա կարող է ստանալ խմբակային բռնաբարության համար։