Շղթայական ավտովթար` Երևանյան լճի կամրջի վրա. բախվել են BMW-ն, Renault-ն ու Ford-ը. կա 5 վիրավոր. Shamshyan.com

Երեկ՝ հունվարի 2-ին, շղթայական ավտովթար է տեղի ունեցել Երևանում:

Ինչպես հայտնում shamshyan.com-ը, Ժամը 21:10-ի սահմաններում Բագրատունյաց 1 հասցեի դիմաց՝ Երևանյան լճի կամրջի վրա, բախվել են Երևան քաղաքի 16 թաղամասի բնակիչ, 28-ամյա Աշոտ Ավետիսյանի վարած BMW մակնիշի 01 TT 201 համարանիշի, Երևան քաղաքի Դավիթաշեն 4-րդ թաղամասի բնակիչ, 48-ամյա Արթուր Զոհրաբյանի վարած Renault մակնիշի 170 ԼՍ 67 համարանիշի և Արարատ քաղաքի բնակչի Ford մակնիշի 34 MC 852 համարանիշի ավտոմեքենաները:

Վթարի հետևանքով BMW-ի ուղևորներ, 31-ամյա Գարեգին Ավետիսյանը, 30-ամյա Ամալյա Այվազյանը մարմնական վնասվածքներով տեղափոխվել են Արմենիա բժշկական կենտրոն, իսկ Renault-ի ուղևորներ, 32-ամյա Ռուզան Այվազյանը, 34-ամյա Արշակ Հովհաննիսյանը և 8-ամյա Սուսան Հովհաննիսյանը մարմնական վնասվածքներով տեղափոխվել են Սուրբ Աստվածամայր բժշկական կենտրոն:

Մանրամասները՝ սկզբնաղբյուր կայքում։