Խորհուրդներ վարորդներին (տեսանյութ)

Ձմեռն ունի դրսևորումներ, որոնց հանդեպ պետք է լրացուցիչ ուշադրություն տոնական օրերին իսկապես տոնական տրամադրություն ունենալու համար: Գաղտնիք չէ, որ ձմռանն ավելի հաճախ են տեղի ունենում ճանապարհատրանսպորտային պատահարներ, որոնց գլխավոր պատճառներից մեկն էլ ձյունն է: Ձմռանն ընդառաջ առաջին հերթին անհրաժեշտ է փոխել անվադողերը՝ անցնելով ձմեռային ռեժիմի: Մասնագետները նշում են, որ անվադողերը պետք է փոխել պլյուս 7 ջերմաստիճանի դեպքում:

«Մոբիլստարտ» ավտոդպրոցի տնօրեն Ա. Ստեփանյանը շրջաններ հաճախ մեկնող վարորդներին խորհուրդ է տալիս անվադողերը փոխել «շիպեր» կոչվող անվադողերի, իսկ մյուսներին՝ կպչուն ռեզինե անվադողերի:

Կարևոր է նաև մեքենան տեղից ճիշտ շարժելը. արգելվում է կտրուկ որևէ գործողություն, այլապես անիվները կպտտվեն ձյան վրա, իսկ մեքենան կմնա տեղում: Կարևոր է նաև մեքենաների միջև եղած հեռավորությունը: Հարկավոր է պահպանել տարածություն: Արգելակելու դեպքում, հետևի մեքենայի վարորդը կտեսնի արգելակման կարմիր լույսերը, ինչը նրան կստիպի ևս արգելակել և զերծ մնալ բախումից:

Ձյան վրա տարբեր հնարքների սիրահարներին խորհուրդ է տրվում զերծ մնալ ձյան վրա պտույտներ և այլ հնարքներ կատարելուց, դա ոչ միայն կասկածի տակ կդնի մեքենայի սարքինությունը, այլև կարող է ավարտվել ողբերգությամբ:

Քանի որ ձմեռ է վարորդներին խորհուրդ է տրվում մեքենան վարել սթափ, չգերազանցել սահմանված արագությունը, պահպանել երթևեկության կաննոնները և լինել չափազանց ուշադիր: