Իրանում հայտնաբերվել է գերհարստացված ուրան

ԱԷՄԳ-ի միջազգային դիտորդները Իրանում հայտնավերեն էլ 27%-ից ավելի հարստացված ուրանի հետքեր, հայտնում է Reuters գործակալությունը՝ հղում կատարելով դիվանագիտական աղբյուրին։

Հարստաման այդ մակարդակը զգալիորեն գերազանցում է 20%-ը, որն անհրաժեշտ է քաղցկեղաբանության մեջ կիրառության համար։ Իրանը նախապես հայտարարում էր, որ ուրանը բժկական կիրառության համար անհրաժեշտ մակարդակից ավելի չի հարստացնելու։

Լրատվական աղբյուրը հայտնել է, որ տագնապելու համար դեռ վաղ է, քանի որ 27%-ից ավելի հարստացված ուրանը կարող է լինել ոչ թե կանխամտածված գործողություն, այլ արտադրական խոտան։

ԱԷՄԳ-ը դիմել է Իրանին պարզաբանումներ ստանալու համար։

Այս տվյալները ստացվել են Ֆորդոյի՝ օդային հարվածներից լավ պաշտպանված միջուկային համալիրի մերձակայքում։ Այս օբյեկտի փակումը Արևմուտքի կողմից Իրանին ներկայացվող հիմնական պահանջներից է։

Կասկածում են, որ այստեղ է մշակվում Իրանի ենթադրական ատոմային զենքը, մինչդեռ հայտնի է, որ ռազմական նպատակներով օգտագործման համար ուրանը պիտի հարստացվի 90% և ավելի, ինչը Իրանը ունակ է կարճ ժամանակահատվածում իրագործել, քանի որ ունի համապատասխան ցենտրիֆուգներ։ Սա է, որ հարուցում է միջազգային հանրության մտահոգությունը։