Իրանը հայտնել է S-300 հրթիռների գործով դատական վարույթի մասին

Իրանի Պաշտպանության նախարար Ահմադ Վահիդին հայտարարել է, որ S 300 հրթիռային համակարգի գործը գտնվում է դատական վարույթում։

Վահիդին անդրադարձել է Իրանի կողմից Ռուսաստանի դեմ վերջին բողոքին, որը կապված է Ռուսաստանի կողմից վերջերս արված հայտարարությանը։ Ըստ այդ հայտարարության՝ ռուսական կողմն այսուհետ հրաժարվում է Իրանին S 300 տեսակի հրթիռային համակարգեր տրամադրել։ 

Վահիդին չի բացառել դատարանի կողմից փոխհատուցման դատավաճիռ կայացնելու հնարավորությունը և ընդգծել, որ Իրանի իշխանությունները պետք է անպայման որոշում կայացնեն այս հարցում։

Իրանի պաշտպանության նախարարը իրանական ISNA լրատվական գործակալությանը տված հարցազրույցում անդրադարձել է սեփական հրթիռային նոր համակարգեր մշակելու վերջին զեկույցներին և նշել, որ դրանք փոխարինելու են ռուսական S 300 հրթիռային համակարգին։

Վերջինս ընդգծել է, որ նախարարությունը լուրջ աշխատանքներ է տանում այդ ուղղությամբ։

Իրանը Ռուսաստանի դեմ հայց է ներկայացրել միջազգային քրեական դատարան այն բանի համար, որ Ռուսաստանը, ըստ պայմանագրի, չի կատարել իր պարտավորությունները S 300 հրթիռային համակարգեր մատակարարելու մասով։