Ահմադինեժադի քննադատը վերընտրվել է Իրանի խորհրդարանի նախագահի պաշտոնում

Իրանի խորհրդարանի պատգամավորների մեծամասնությունը կողմ են քվեարկել Ալի Լարիջանիի՝ խորհրդարանի նախագահի պաշտոնում վերընտրվելուն։ Մահմուդ Ահմադինեժադի հայտնի քննադատի թեկնածությանը կողմ է քվեարկել 117 հոգի, իսկ նրա հակառակորդի՝ Գոլամ Ալի Հադադ Ադելի թեկնածությանը՝ 89 հոգի։ 4 պատգամավոր ձեռնպահ է մնացել։

Երկու թեկնածուները նախօրոք հավանության են արժանացել Իրանի հոգևոր առաջնորդ Ալի Խամենեիի կողմից։ Ընդ որում, համարվում է, որ Լարիջանին հոգևոր առաջնորդի հետ վերջին տարվա ընթացքում լուրջ տարաձայնություններ ունեցող գործող նախագահի հանդեպ շատ ավելի քննադատական դիրքորոշում ունի, քանի իր հակառակորդը։

Իրանի խորհրդարանի տեղերի մեծամասնությունը զբաղեցնում են Խամենեիին անվերապահորեն աջակցող պահպանողականները։ Ահմադինեժադի՝ անկախ քաղաքականություն իրականացնելու փորձերում նրանք տեսնում են միայն երկրի բարձրագույն հոգևոր առաջնորդի դեմ քողարկված գործողություններ։

Ավելի վաղ, իրանցի խորհրդարանականները բազմաթիվ անգամներ բանավեճի են հրավիրել Ահմադինեժադին՝ մեղադրելով նրան բազմաթիվ քայլերում՝ հոգեկանչությունից մինչը սեռական այլասերությունների թողտվություն։

Այնուամենայնիվ, նախագահի իմպիչմենտի գործընթաց նրանք չեն սկսել։

Իրանում գոյություն ունի իշխանության երեք փաստացի կենտրոն, որոնք գտնվում են դինամիկ հավասարակշռության մեջ. վերին հոգևոր առաջնորդը, նախագահը և իր վարչախումը, ինչպես նաև Իսլամական հեղափոխության պահապան կորպուսի հրամանատարությունը։