Թեհրանին ներկայացված պահանջները՝ կապված նրա միջուկային ծրագրի հետ, ուժի մեջ են մնում. Քեթրին Էշթոն

Թեհրանին ներկայացված պահանջները՝ կապված նրա միջուկային ծրագրի հետ, ուժի մեջ են մնում, հայտարարել է ԵՄ Արտաքին հարաբերությունների գերագույն հանձնակատար Քեթրին Էշթոնը։

«3+3 ձևաչափը» միակն է Իրանին վերաբերող միջազգային մտահոգությունների դիվանագիտական կարգավորման փնտրտուքի գործում, փորձ է արվում հասնել նրան, որ Իրանն ընդունի ՄԱԿ–ի Անվտանգության խորհրդի բանաձևերը և աշխատի ԱԷՄԳ-ի հետ: «3+3» ձևաչափը հաստատում է Բաղդադում արված հավասարակշիռ առաջարկը՝ Իրանի կողմից հարստացման գործունեության մինչև 20% դադարեցմամբ և միջուկային գործարանի փակման մասին, ասել է նա Մոսկվայում իրանական միջուկային ծրագրի վերաբերյալ միջազգային միջնորդների «վեցնյակի» բանակցությունների ավարտից հետո կայացած ճեպարույցում, հաղորդում է ՌԻԱ նովոստին։

Էշթոնի խոսքերով՝ ԵՄ-ն ակնկալում է, որ մոտ ժամանակներս կանցկացվեն «տեխնիկական քննարկումներ», ինչից հետո տեղի կունենա Էշթոնի հանդիպումը Իրանի Ազգային անվտանգության գերագույն խորհրդի քարտուղար Սայիդ Ջալիլիի հետ:

Էշթոնը հայտնել է նաև, որ երեկ տեղի է ունեցել հինգ լիագումար նիստ: Սակայն գոյություն ունեցող երկու դիրքորոշումների միջև խնդիրներ կան»,- ասել է նա:

Երեքշաբթի երեկոյան Մոսկվայում ավարտվեցին «վեցնյակի» բանակցությունները, որի կազմում են Ռուսաստանի, Մեծ Բրիտանիայի, Չինաստանի, ԱՄՆ-ի, Ֆրանսիայի և Գերմանիայի ներկայացուցիչները: