Մունդիալ-2018-ի մեկնարկին մնաց 100 օր. Մարադոնան, Ռոնալդուն ու Վլադիմիր Պուտինը՝ ՖԻՖԱ-ի տեսանյութում

Ֆուտբոլի 2018 թվականի աշխարհի առաջնության մեկնարկին մնացել է ուղիղ 100 օր:

 «Մունդիալ-2018»-ը կընդունի Ռուսաստանը: Աշխարհի առաջնության խաղերը հյուրընկալող բոլոր 12 քաղաքներում կանցկացվեն տոնական միջոցառումներ: 

Ֆուտբոլի 2018 թվականի աշխարհի առաջնությունը կմեկնարկի հունիսի 14-ին, իսկ եզրափակիչ հանդիպումը կկայանա հուլիսի 15-ին: 12 մարզադաշտերը Մոսկվայում, Սանկտ-Պետերբուրգում, Կազանում, Եկատերինբուրգում, Սարանսկում, Սոչիում, Սամարայում,  Դոնի Ռոստովում, Կալինինգրադում, Նիժնի Նովգորոդում, Վոլգոգրադում կընդունեն խաղերը: Կիսաեզրափակիչ երկու հանդիպումները կկայանան Սանկտ-Պետերբուրգում և Մոսկվայում:

Այս աշխարհի առաջնությունում առաջին անգամ կկիրառվի տեսակրկնության հնարավորությունը: 

ՖԻՖԱ-ի մամուլի ծառայությունը հրապարակել է տեսանյութ, որում հայտնի ֆուտբոլիստները, այդ թվում նաև Ռոնալդոն, Դիեգո Մարադոնան, Կարլես Պույոլը  գնդակով հարված են կատարում, իսկ 1-ին հարվածը կատարում  են նաև ՖԻՖԱ-ի նախագահ Ջանի Ինֆանտինոն ու Ռուսաստանի Դաշնության նախագահ Վլադիմիր Պուտինը: