Շնորհավորում եմ տղաներին, արժանի էինք հաղթանակի. Զիդան (տեսանյութ)

Մադրիդի «Ռեալ»-ի գլխավոր մարզիչ Զինեդին Զիդանը մեկնաբանել է Չեմպիոնների լիգայի 1/8 եզրափակչի պատասխան խաղում ՊՍԺ-ի դեմ դիմակայությունը, որն ավարտվել է մադրիդցիների հաղթանակով՝ 2:1 հաշվով:

«Շատ լավ սկսեցինք հանդիպումը, կենտրոնացած էինք խաղին: Կարծում եմ՝ սա արժանի հաղթանակ էր: Պետք է շնորհավորեմ տղաներին, սա բարդ խաղ էր: Արժանի էինք հաջորդ փուլ դուրս գալուն:

Ուրախ եմ, որ հաղթահարեցինք այս փուլը: Ունենալով այսքան լավ ֆուտբոլիստներ՝ ինձ համար բարդ էր մեկնարկային կազմ ընտրելը: Ֆուտբոլիստները լավ հանդիպում անցկացրին, իսկ փոխարինումները հաջող էին»,-Զիդանի խոսքը մեջբերում է beIN Sports-ը: