Իրանն ավելացնում է նավթի արդյունահանման և արտահանման ծավալները

Մինչև 2015 թ. Իրանը պատրաստվում է նավթի արտահանումը մեկ օրում հասցնել ավելի քան 3 մլն բարելի: Դրա հետ մեկտեղ, պլանավորվում է նավթի ստացումն ու մշակումն ավելացնել մինչև 28%:

2011թ. Իրանի նավթի արտահանման ծավալը մեկ օրվա կտրվածքով կազմել էր ավելի քան 2.28 մլն. բարել, իսկ արդյունահանման ծավալը՝ օրական 4 մլն., որը, մինչև 2015թ., պլանավորվում է հասցնել 5.122 մլն. բարելի. արտահանումն այդ ժամանակ պիտի կազմեր մշակված նավթի 65%-ը:

Այդ մասին ռուսական նավթագազային կոնֆերանսում հայտարարել է Իրանի նավթային արդյունաբերության նախարարի տեղակալ, իրանական ազգային նավթային ընկերության տնօրեն (NIOC) Ահմադ Ղալեբանին: Ըստ նրա, Իրանը կարող է ավելացնել նավթի ստացման ծավալները նոր հանքերի հայտնաբերման և գործող արդյունաբերության աշխատանքների էֆեկտիվության բարձրացման շնորհիվ:

Բացի այդ, Իրանը մտադրված է ավելացնել գազի արդյունահանման ծավալները: Եթե 2011 թ. երկրում արդյունահանվել է 644 մլն. խմ գազ, ապա մինչև 2015թ. պլանավորվում է այդ թիվը հասցնել մինչև 1.47 մլն. խմ-ի:

Մինչև 2015թ. էներգետիկայի և վառելիքի ոլորտում ներդրումների ծավալները կկազմեն 200 մլրդ. ԱՄՆ դոլար: Ըստ Ղալեբանիի, Իրանը կշարունակի համագործակցել ռուսական ընկերությունների հետ: Նա ասում է. «Մենք պատրաստ ենք նավթի ստացման և վերամշակման համար անհրաժեշտ սարքվորումներ տրամադրելով՝ համագործակցել ռուսական ընկերությունների հետ»: