ԵԱՏՀ խորհուրդը ընդունել է գազի անվտանգության վերաբերյալ ԵԱՏՄ տեխնիկական կանոնակարգը եւ սահմանել սննդամթերքի մակնշման պահանջները

 Եվրասիական տնտեսական հանձնաժողովի խորհրդի նիստում սեպտեմբերի 14-ին ընդունվել են որոշումներ՝ կապված առևտրային ոլորտի, տնտեսության թվայնացման, արտադրության, ֆինանսական քաղաքականության և տեխնիկական կարգավորման հետ: ԵԱՏՀ խորհուրդը, մասնավորապես, հաստատել է Եվրասիական տնտեսական միության եւ Իրանի միջեւ ազատ առեւտրի գոտու ձեւավորմանը տանող Միջանկյալ համաձայնագրի իրականացման, ինչպես նաև Չինաստանի եւ ԵԱՏՄ-ի միջև առեւտրատնտեսական համագործակցության մասին համաձայնագրի ճանապարհային «քարտեզները»: Հավանություն է տրվել միության երկրների եւ երրորդ երկրների հետ առեւտրի սահմանափակումների միջոցառումների վերացման հանձնաժողովների հետ փոխգործակցության կարգին:

Եվրասիական տնտեսական հանձնաժողովի խորհուրդը ընդունել է «Տեղափոխման և օգտագործման համար նախատեսված բնական գազի անվտանգության մասին ԵԱՏՄ տեխնիկական կանոնակարգ»-ը: Այն սահմանում է բնական գազի վերաբերյալ անվտանգության պահանջները:

Եվրասիական տնտեսական հանձնաժողովի խորհուրդը հավանություն է տվել նաև նոր տեխնիկական պլատֆորմին՝ կապված լուսատեխնիկական սարքավորումների արտադրության և մշակման հետ:

Նիստում ընդունվել են նաև կանոնակարգի փոփոխություններ՝ կապված սննդամթերքի մակնշման պահանջների հետ: