ԱՄՆ Կոնգրեսը կարող է խստացնել Իրանի դեմ պատժամիջոցները

ԱՄՆ Կոնգրեսն արդեն այս շաբաթ կարող է ընդունել Իրանի դեմ պատժամիջոցների նոր փաթեթ, հաղորդում է Cable բլոգը:
«Բանակցողները՝ Սենատի և Կոնգրեսի ներկայացուցիչները, Իրանի դեմ նոր պատժամիջոցների հարցում հասել են փոխզիջման, որոնց նախագիծը երկու պալատներում քվեարկության կդրվի այս շաբաթ... Նոր օրինագիծը կարող է ներկայացվել արդեն երկուշաբթի երեկոյան և դրվել քվեարության ներկայացուցիչների պալատում արդեն չորեքշաբթի օրը։ Սենատը կարող է ընդունել այն հինգշաբթի-ուրբաթ, նախքան պատգամավորները կլքեն Վաշինգտոնը և կգնան արձակուրդի», - գրում է բլոգի հեղինակ, վաշինգտոնյան քաղաքական մեկնաբան Ջոշ Ռոգինը։

«Օրինագիծը պատժամիջոցներ է նախատեսում բոլոր նրանց դեմ, ովքեր Իրանին սարքավորումներ և տեխնոլոգիաներեն են մատակարարում այս երկրեւմ գրաքննության հաստատման կամ մարդու իրավունքների ճնշման համար, այդ թվում նաև՝ զենք, ռետինե փամփուշտներ, արցունքաբեր գազ և ցույցերի ճնշման համար կիառվող այլ սարքավորումներ։ Պատժամիջոցներ է նախատեսվում կիրառել նաև ռադիո և հեռուստատեսային ազդանշանների խլացման սարքավորումների, մոնիտորինգի և տեսագրման սաքավորումների մատակարարների նկատմամբ: Օրինագիծը նաև կոչ է անում երկրի ղեկավարությանը մշակել ավելի կոշտ ռազմավարություն Իրանում ինտերնետի ազատության պաշտպանության համար, ինչպես նաև արագացնել այս երկրում ժողովրդավարության ակտիվիստներին աջակցելու գործընթացը», - գրում է բլոգի հեղինակը՝ մեջբերելով օրինագծի՝ իրեն հասանելի տարբերակը։