Օբաման հայտարարել է Իրանի դեմ նոր պատժամիջոցների մասին

ԱՄՆ նախագահ Բարաք Օբաման հայտարարել է Իրանի դեմ նոր պատժամիջոցներ մասին։ Ինչպես հաղորդում է Reuters-ը, երեքշաբթի, հուլիսի 31-ին, պատժամիջոցները կազդեն էներգետիկ, նավթաքիմիական և ֆինանսական ոլորտների վրա։

Նոր պատժամիջոցներ պետք է մեծացնեն ճնշումը Իրանի վրա, որը չի կատարում ատոմային էներգիայի մասին միջազգային պայմանագրերը։

Agence France-Presse-ը նշում է, որ պատժամիջոցները կազդեն նավթի արտահանմամբ զբաղվող իրանական ընկերությունների, ինչպես նաև Թեհրանի հետ բիզնես կապեր ունեցող մի շարք չինական և իրաքյան բանկերի վրա։

Հիշեցնենք, որ ավելի վաղ՝ հուլիսի 30-ին, ԱՄՆ-ի Սենատը և Ներկայացուցիչների պալատը համաձայնության են եկել Իրանի դեմ նոր պատժամիջոցների համատեղ օրինագծի վերաբերյալ։ Այն նախատեսում է Իրանի նավթի գնման համար պատժի խստացում։ Միացյալ Նահանգներում գտնում են, որ նավթային եկամուտները օգտագործվում են միջուկային զենքի ստեղծման ծրագրի զարգացման համար։

Իրանը հերքում է մեղադրանքները իր հասցեին՝ պատճառաբանելով, որ իր միջուկային ծրագիրը խաղաղ բնույթ է կրում։ Մինչդեռ, միջազգային պատժամիջոցները հանգեցրին նրան, որ Իրանի նավթի արդյունահանման ծավալները 2012 թ. հունիսին ընկան մինչև 20-ամյա մինիմումի։