ԱՄՆ-ի Սենատը հաստատել է Իրանի դեմ պատժամիջոցների նոր փաթեթը

ԱՄՆ-ի Սենատը հավանություն է տվել Իրանի դեմ պատժամիջոցների հերթական փաթեթին։ Ակնկալվում էր, որ Սենատի քվեարկությունը տեղի կունենա մինչև շաբաթվա վերջ։ Կոնգրեսի երկու պալատների հաստատումից հետո օրինագիծը պետք է ամրապնդվի նախագահի ստորագրությամբ։

Նշվում է, որ օրինագիծը նախատեսում է պատժամիջոցների կիրառում այն ընկերությունների և անհատների նկատմամբ, որոնք համագործակցում է իրանական իշխանությունների հետ ուրանի ադյունահանման ոլորտում, վաճառում կամ վարձով են տալիս նավթ փոխադրող տանկերներ, ինչպես նաև ապահովագրական ծածկույթ են տրամադրում National Iranian Tanker ընկերությանը։

Փաստաթուղթը նախատեսում է պատժամիջոցներ կիրառել բոլոր նրանց դեմ, ովքեր համագործակցում է Իրանում վառելիքի, նավթաքիմիական և գազային ոլորտներում ձեռնարկությունների հետ կամ օգնում են երկրի գազային և նավթային արդյունաբերությանը ձեռք բերել ապրանքներ, ծառայություններ, տեխնոլոգիաներ կամ ենթակառուցվածքային տարրեր։ Փաստաթուղթը նաև նախատեսում է պատժամիջոցներ այն անձանց և ընկերությունների դեմ, որոնք աջակցություն են ցուցաբերում Իրանին ռադիո եւ հեռուստատեսային ազդանշանների խլացման համար սարքավորումների գնման գործում և այլն։

Հիշեցնենք, որ հուլիսի 12-ին ԱՄՆ ֆինանսների նախարարությունը և Պետդեպարտամենտը նոր պատժամիջոցներ են սահմանել Իրանի մի շարք պետական ընկերությունների նկատմամբ։