Ամերիկյան ականակիր նավի անձնակազմը փրկել է իրանցի նավաստիների

Ամերիկյան Ջեյմս Ուիլյամս ականակիր նավի անձնակազմը Հորմուզի նեղուցում փրկել է իրանցի 10 նավաստիների, որոնց նավում հրդեհ էր բռնկվել: Այս մասին հայտնում է Իտար-Տասս-ը՝ վկայակոչելով ԱՄՆ Ռազմածովային ուժերի պաշտոնական ներկայացուցիչ, կապիտան Ջեյսոն Սալաթային:

Նա նաև նշել է, որ իրանցիներից բացի, հրդեհված նավում եղել է նաև Պակիստանի 2 քաղաքացի։

«Նրանք ստանում են անհրաժեշտ բուժօգնություն և շուտով կտեղափոխվեն «Էնթերփրայզ» ավիակրի վրա, որտեղից նրանց կտեղափոխեն հայրենիք»,- ասել է Սալաթան։

Ամերիկյան նավերն առաջին անգամ չէ, որ փրկում են իրանցի նավաստիների կյանքը: Հունվարին ամերիկյան «Քիդ» ականակիրը ազատել էր սոմալեցի ծովահենների կողմից առևանգված և 40 օր գերի պահված իրանցի ձկնորսներին։

Դրանից ոչ շատ առաջ Թեհրանը զգուշացրել էր Վաշինգտոնին Իրանի ափերին ամերիկյան նավերի ներկայության անթույլատրելիություն մասին։