Իրանը դեռ հեռու է միջուկային ռումբ ստեղծելուց. ԱՄՆ-ի ԿՀՎ
Իրան
ԱՄՆ Կենտրոնական հետախուզական վարչության ունեցած տեղեկությունների համաձայն, Իրանը դեռևս հեռու է միջուկային զենքի ստեղծումից: Այդ մասին հաղորդում է RBK-ն:
Մինջ այդ հրեական ԶԼՄ-ներում տեղեկություններ էին հայտնվել այն մասին, որ ԱՄՆ-ի հետախուզական ծառայությունները նախագահ Բարաք Օբամային են ներկայացրել Իրանում իրականացված հետախուզության հաշվետվությունը:
Փաստաթուղթն ԱՄՆ-ի հետախուզական ծառայության հաշվետվությունն է իրանական միջուկային ծրագրի վերաբերյալ. «Մենք կարծում ենք, որ իրանական միջուկային խնդիրը դեռեւս դիվանագիտական ճանապարհով լուծելու ժամանակ կա, մենք շարունակում ենք ենթադրել, որ Իրանը մոտ ապագայում դեռեւս չի ստեղծի միջուկային զենք»,- հայտնել է Ազգային անվտանգության խորհրդի ներկայացուցիչը:
Իսրայելի Պաշտպանության նախարար Էհուդ Բարաքը հայտնել է, որ հաշվետվությունը վկայում է իրանական միջուկային վտանգի հարցում Վաշինգտոնի եւ Թել-Ավիվի դիրքորոշումների մերձեցման մասին, ինչը կբերի համագործակցության էֆեկտիվության բարձրացման:
Ինչպես արդեն հայտնել էինք, Բրիտանական հատուկ ծառայության՝ Mi-6-ի ղեկավարը շաբաթներ առաջ հայտարարել էր, որ Իրանական միջուկային ռումբը պատրաստ կլինի 2014 թվականին:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
