Օբաման խստացնում է Իրանի նկատմամբ տնտեսական պատժամիջոցները

ԱՄՆ-ի նախագահ Բարաք Օբաման ուրբաթ օրը Իրանի նկատմամբ տնտեսական պատժամիջոցների խստացման մասին օրենք է ստորագրել, որը նախապես հաստատել էր Սենատն ու Ներկայացուցիչների պալատը։ Այս մասին հայտնում է ИТАР-ТАСС-ը։

Փաստատթղթի հեղինակների կարծիքով՝ օրենքը պետք է ավելացնի Իրանի կառավարության վրա ճնշումը՝ միջազգային պարտականությունները կատարելուց հրաժարվելու և միջուկային զենք ձեռք բերելու փորձերի պատճառով։ Օրենքն արգելու է ամերիկացի ձեռնարկատերերին բիզնես իրականացնել Իրանի նավթային հատվածի, ինչպես նաև առաքման ու ապահովագրական ընկերությունների հետ։ Բացի այդ, ցանկացած տնտեսական գործընթաց սկսելու ճանապարհին ստեղծվում են մի շարք դժվարություններ՝ ներառյալ թանկարժեք թղթի, ոսկու առքուվաճառքի, իրանական կառույցների, այդ թվում նաև Կենրտրոնական բանկի հետ համագործակցությունը։

Փաստաթղթի համաձայն՝ ԱՄՆ-ի օրինակին կարող են հետևել նաև Իրանի հետ գործարար հարաբերություն ունեցող արտասահմանյան այլ կազմակերպությունների։

Նոր օրենքը ներառում է նաև 1929 թվականին ԱՄՆ-ում ՄԱԿ-ի Անվտանգության խորհրիդ կողմից հրապարակած պատժամիջոցները, ինչպես նաև ազգային օրենքներն ու նախագահի հրամանագիրը։ Նպատակներից մեկը նաև իրանական նավթի՝ ԱՄՆ ու Եվրոպա մուտքի կանխումն է։ Բացի դրանից՝ փաստաթղթում տեղ է գտել հատուկ գլուխ, համաձայն որի՝ պետք է պատժվեն նաև իրենց երկրում մարդու իրավունքները խախտող Սիրիայի պաշտոնական անձինք։ Նրանց ու Իրանում բիզնեսի մեջ ներգրավված անձանց ցուցակը նախագահը պետք է երեքամսյա ժամկետում ներկայացնի Կոնգրեսին, որից հետո ցուցակը կես տարին մեկ պետք է թարմացվի։

Ավելի վաղ՝ երեքշաբթի, ԱՄՆ-ի Գանձապետարանը բենզինի վաճառք իրականացնող Իրանի սեփականություն համարվող Ситрол կազմակերպուության նկատմամբ պատժամիջոցների կիրառման մասին հայտարություն է արել։ Իսկ նախորդ շաբաթ Օբաման կարգադրություն է արել իրանական ընկերություններից նավթարդյունաբերական արտադրանք գնել արգելելու մասին։

Իրանի Իսլամաման Հանրապետության նկատմամբ խստացուցիչ պատժամիջոցները մեկնաբանելով՝ Ազգային անվտանգության գծով ԱՄՆ-ի նախագահի տեղակալ Բեն Ռոդսը հայտարարել է, որ Օբամային հաջողվել է ստեղծել Իրանի դեմ երբևէ եղած ամենաուժեղ պատժամիջոցների ռեժիմը։ Նրա խոսքով պատժամիջոցները սկսել են շոշափելի արդյունքներով ազդել Իրանի տնտեսության վրա։ Այն բանից հետո, երբ Եվրամիությունը էմբարգո է մտցրել իրանական նավթի արտահանման վրա, համաշխարհային շուկայում իրանական նավթի վաճառքը պակասել է մոտավորապես 40 տոկոսով։ «Ամեն եռամսյակում Իրանը կորցնում է 9 միլիարդ դոլլարի եկամուտ»,- մանրամասնել է Սպիտակ տան ներկայացուցիչը։ «Մենք սպասում ենք, որ պատժամիջոցը ավելի մեծ ազդեցությու կթողնի»,- ընդգծել է Ռոդսը։