Պենտագոն. Իրանը մասնակցում է Ասադի զորքերի զինավարժությանը

Իրանը մեծ դեր է խաղում Սիրիայում Ասադի ռեժիմին աջակցելու հարցում, այդ թվում նաև զբաղվում է նրա համախոհներին ռազմականորեն պատրաստելու գործով։
Associated Press-ի փոխանցմամբ՝ այդպիսի հայտարարությամբ այսօր հանդես է եկել ԱՄՆ-ի պաշտպանության նախարարը։ Պենտագոնի ներկայացուցիչների խոսքով՝ Իրանի կողմից վարժեցված պարտիզանական ջոկատները աջակցում են սիրիական բանակին, այս առթիվ, սակայն, Իրանը մեկնաբանություններ չի տվել։

«Ներկայումս Սիրիայի զինված ուժերը մեծ դժվարությունների են հանդիպում մատակարարման և մարտական ոգու հարցում։ Նրանք շատ երկար մարտական գործողություններ են ծավալել, որը ազդել է նրանց արդյունավետության վրա։ Դրա համար էլ ռեժիմը, որպես լրացուցիչ օգնություն, հիմնականում օգտագործում է շիա մահմեդականների պարտիզանական ջոկատները»։,- լրագրողների հետ զրույցում նշել է գեներալ Մարտին Դեմպսին։

Հիշեցնենք, որ Դամասկոսում իշխանությունները շարունակում են կորուստներ կրել զինված ընդդիմության հետ հակամարտությունների արդյունքում։ Օգոստոսի 6-ին Սիրիայի վարչապետ Հիջաբը փախել է Հորդանան։ Իսկ հուլիսի 18-ին 4 բարձրաստիճան զինծառայողներ, որոնց թվում էր նաև երկրի նախագահի աները, զոհվել են Ազգային անվտանգության գրասենյակում տեղի ունեցած ակաբեկչության արդյունքում։ Բացի դրանից՝ մի քանի տասնյակ սիրիացի գեներալներ, զինծառայողներ, պաշտոնյաներ և դեսպաններ, հրաժարվելով աջակցել Ասադի ռեժիմին, փախել են արտերկիր։