Եկեղեցում հակառակորդ մի փնտրեք, չեք գտնի․ Տեր Խորեն քահանա Կիրակոսյան
Հասարակություն
«Հայ Եկեղեցուն և Հայոց Հայրապետին ուղղված ստյոպասաֆարյանական մակարդակի վիրավորական արտահայտությունները զարմանալու առիթ չեն ցավոք: Զարմանալի կլիներ այդ կոնտիգենտից այլ բան սպասելը: Ի գիտություն ընդունել է պետք իրողությունը, այդքանը միայն»,- ֆեյսբուքյան էջում գրել է Տեր Խորեն քահանա Կիրակոսյանը։ Նրա խոսքով, սակայն երբեք չէր կարելի երևակայել, որ պետական բարձրաստիճան պաշտոնյան կարող է նման արտահայտություններ օգտագործել Հայ Եկեղեցու գահակալի՝ Ամենայն Հայոց Կաթողիկոսի հասցեին: «Սա, իրոք, խավար էջ է հայ ժողովրդի ու հայ Եկեղեցու պատմության մեջ, խավար էջ է մեր հոգիներում, որն այլևս չի ջնջվի: Համավարակի ներկա օրերում Հայոց Հայրապետը անընդհատ խոսում է միասնության, հասարակական համերաշխության, միմյանց հանդեպ փոխադարձ սիրո ու հոգատարության մասին: Ու վստահ եմ՝ շարունակելու է նույնը անել, որովհետև դա է ճշմարիտ ճանապարհը՝ դիմակայելու մեր ներքին ու արտաքին կյանքի փորձություններին ու դժվարություններին:Հայ Եկեղեցուն կարող էք լինել հակառակորդ, շատերն են եղել, բայց Եկեղեցում հակառակորդ մի փնտրեք, չեք գտնի: Եկեղեցու գործը, առաքելությունը Տիրավանդ է, սուրբ»,- գրել է Տեր Խորենը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
