ՍԱՏՄ-ն ստացել է հատուկ հանդերձանքի եւս 100 հավաքածու

ՀՀ սննդամթերքի անվտանգության տեսչական մարմինը, ի լրումն 2020թ. մարտի 27-ին տրամադրված միջոցների, ստացել է հատուկ հանդերձանքի հավելյալ 100 հավաքածու իր երկարաժամկետ գործընկեր «Ռազմավարական զարգացման գործակալություն» հասարակական կազմակերպությունից՝ Շվեյցարիայի զարգացման եւ համագործակցության գործակալության ֆինանսական աջակցությամբ: Այս մասին տեղեկացնում է ՍԱՏՄ մամուլի ծառայությունը։ Այն տրամադրվել է նոր կորոնավիրուս COVID 19-ի տարածման ռիսկերը հաշվի առնելով, ինչպես նաեւ նկատի ունենալով դրա տարածումը կանխարգելելու հարցում ՍԱՏՄ լուրջ դերակատարությունը: «Ռազմավարական Զարգացման Գործակալություն» ՀԿ-ն, Շվեյցարիայի զարգացման եւ համագործակցության գործակալության եւ այլ միջազգային դոնորների ֆինանսավորմամբ, իրականացնում է տնտեսական, կրթական եւ ոլորտային զարգացման նախագծեր Հայաստանի հեռավոր մարզերի 200 բնակավայրերում: