Թաթուլ Կրպեյանի անունը միշտ վառ կմնա բոլորիս հուշերում․ Սասուն Միքայելյան

ԵԿՄ վարչության նախագահ Սասուն Միքայելյանն ուղերձ է հղել Հայաստանի ազգային հերոս Թաթուլ Կրպեյանի 55-ամյակի կապակցությամբ։ Ներկայացնում ենք Սասուն Միքայելյանի ուղերձը․

«ՀՀ Ազգային հերոս Թաթուլ Կրպեյանն այսօր կդառնար 55 տարեկան: ՀՀ ԵԿՄ վարչությունը փառաբանում է Արցախյան ազատամարտի հերոս զավակի հիշատակը: Թաթուլ Կրպեյանը եղել է րցախյան շարժման երիտասարդական թևի սիրված առաջնորդներից, զանգվածային երթերի ու անրահավաքների, նստացույցերի ու դասադուլների կազմակերպիչներից եւ ուսանողության շրջանում քարոզչություն իրականացնող առաջամարտիկներից մեկը:1990 թվականին Թաթուլը տեսնելով, որ Արցախում վիճակը սկսում է վատթարանալ իր իսկ հիմնած զինված խմբով մեկնում է կռվի դաշտ: Հիմնական պայքարը մղում է Գետաշեն-Մարտունաշեն շրջանների ինքնապաշտպանության համար: Այստեղ Թաթուլը հաճախ էր կրկնում, որ «Գետաշենը կդատարկվի միայն իր դիակի վրայով»: ՀՀ Ազգային հերոս Թաթուլ Կրպեյանի անունը միշտ վառ կմնա բոլորիս հուշերում:Մենք երկրապահներս, ազատագրական պայքարին մասնակիցներս ցավով, բայց հպարտությամբ ենք հիշում մեր ննջեցյալ մարտական ընկերներին: Եվ ամեն անգամ, ամեն մեկի մասին խոսելիս ցանկանում ենք վստահաբար ասել, որ ձեր կյանքի գնով պահած երկիրը, մեր բոլորիս արյան գնով փայփայած հայրենիքը այլեւս չի առերեսվելու պատմության այդ դաժան էջերին: Մենք միշտ միասնական ու համախմբված տեր ենք կանգնելու մեր պետությանը»: