«Վարչապետն իրավունք ունի ծաղիկներ խոնարհելու, մենք՝ ո՞չ». ոստիկանները խոչընդոտեցին Արարատ Խանդոյանի մուտքը Ծիծեռնակաբերդ (տեսանյութ)

«Վարչապետին կարելի է, մեզ ո՞չ: Ինքը իրավունք ունի ծաղիկներ խոնարհելու, մենք՝ ո՞չ: Ոստիկանները փորձում են ինձ ահաբեկել վարչական իրավախախտումների ակտով»,- այս մասին այսօր ասաց Արայիկ Խանդոյանի եղբայր՝ Արարատ Խանդոյանը, ով մի խումբ քաղաքացիների հետ փորձել էր բարձրանալ Ծիծեռնակաբերդի հուշահամալիր, սակայն ոստիկանները թույլ չէին տալիս: Ոստիկանները արտակարգ դրության իրավական ռեժիմը խախտելու մասին արձանագրություն կազմվեցին, սակայն Խանդոյանը հրաժարվեց ստորագրել: «Երբ, որ դուք կապացուցեք, որ ծառայում եք իրոք օրենքին, օրինական երկրի ղեկավարին, ես կստորագրեմ, բայց դուք ծառայում եք հրեշին»,- նշեց նա: Ոստիկանը պարզաբանեց, որ Խանդոյանը տեղշարժման թերթիկում նշել է՝ գնում է հարգանքի տուրք մատուցելու, սակայն այն չի տեղավորվում պարետատան կայացրած որոշման մեջ: Նշենք, որ ապրիլի 23-ից մինչև 25-ը, ժամը 23:59-ը ներառյալ անվտանգության և կազմակերպչական նկատառումներից ելնելով՝ ՀՀ ոստիկանությունը փակել է դեպի Ծիծեռնակաբերդ մուտքը։