Մեր հաշվարկով մինչև 400 հեկտար ենք կորցրել. իմ մասով էլ բացթողում կա. Լևոն Մնացականյան

Արցախի Հանրապետության ոստիկանապետ, գեներալ-լեյտենանտ Լևոն Մնացականյանը, որ 2016-ին զբաղեցնում էր ՊԲ հրամանատարի պաշտոնը, ԱԺ քննիչ հանձնաժողովի նիստից հետո՝ լրագրողների ճեպազրույցի ժամանակ, ասել է, որ ներկայացրել է իրականությունը:

«Տվել եմ բոլոր հարցերի պատասխանները, որոնք հուզել են հանձնաժողովին։ Ցանկացած հարց ստացել է իր պատասխանը։ Ներկայացրել ենք այն իրականությունը, որը եղել է ապրիլյան գործողությունների ընթացքում», - ասաց Մնացականյանը։

Հարցին՝ ի՞նչ բացթողումներ են եղել, կարո՞ղ էին դրանք ազդեցություն ունենալ պատերազմի ընթացքի վրա՝ Մնացականյանը պատասխանեց. «Իհարկե՝ ոչ»։

Ճշտող հարցին, թե ի վերջո քանի՞ հետկար ենք կորցրել Ապրիլյան պատերազմի ընթացքում, քանի որ շահարկվում է 400-ից 800 հեկտարը, Մնացականյանն արձագանքեց. «Մեր հաշվարկով՝ մինչև 400 հեկտար»։

Հարցին՝ ինքն անձամբ ունեցե՞լ է բացթողում՝ Մնացականյանը պատասխանեց. «Իմ մասով էլ կա բացթողում»։