Ոստիկանության պետը տեսակապով զրույց է ունեցել Հայաստանում Եվրամիության դեսպանի հետ (տեսանյութ)
ՏեսանյութերՀՀ ոստիկանության պետ Արման Սարգսյանն ապրիլի 27-ին տեսակապով զրույց ունեցավ Հայաստանում Եվրամիության դեսպան Անդրեա Վիկտորինի հետ։ Այս մասին հայտնեցին ՀՀ ոստիկանության լրատվության և հասարակայնության հետ կապերի վարչությունից։
Անդրեա Վիկտորինը ողջունելով Արման Սարգսյանին՝ շնորհավորեց Հայաստանի Հանրապետության ոստիկանության պետ նշանակվելու կապակցությամբ։ Նա կարևորեց նաև օրերս Հայաստանի Կառավարության ընդունած՝ ոստիկանության բարեփոխումների ռազմավարությունը:
Ոստիկանության պետ Արման Սարգսյանը շնորհակալություն հայտնելով ջերմ խոսքերի ու գնահատականի համար` նշեց, որ ոստիկանները համավարակի դեմ պայքարի աշխատանքներին զուգահեռ պատվով իրականացնում են իրենց հիմնական գործառույթները՝ հանցագործությունների կանխումն ու բացահայտումը։
Արման Սարգսյանը անդրադարձավ ՀՀ ոստիկանություն և Եվրամիություն սերտ համագործակցությանը, մասնավորապես` Եվրոպական Միության ԹԱՅԵՔՍ և Արևելյան գործընկերության ծրագրերի շրջանակներում։ Ներկայացվեցին Եվրոպոլի հետ համագործակցություն ձևավորելու ուղղությամբ տարվող աշխատանքները:
Անդրեա Վիկտորինը հաջողություն մաղթեց Հայաստանի ոստիկանության բարեփոխումների աշխատանքում և աջակցության պատրաստակամություն հայտնեց։
Ոստիկանության պետն էլ իր հերթին շնորհակալություն հայտնեց արդյունավետ համագործակցության համար։
Կողմերը քննարկեցին հետագա համագործակցության ուղղություններին վերաբերող և փոխադարձ հետաքրքրություն ներկայացնող այլ հարցեր ևս»,- ասված է ոստիկանության տարածած հաղորդագրության մեջ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
