Արմեն Սարգսյանը հեռավար զրուցել է ՀՀ վաստակավոր արտիստուհի Անահիտ Մխիթարյանի հետ

Հայաստանի Հանրապետության նախագահ Արմեն Սարգսյանի նախաձեռնած՝ «Նախագահական համերգաշար»-ի շրջանակում անցյալ տարի նախագահական նստավայրում անցկացվեց հայկական ռոմանսի երեկո: Այդ օրն ունկնդիրը մասնակից դարձավ անմոռանալի մի երեկոյի, որի ինքնատիպ զարդն Ալ․ Սպենդիարյանի անվան օպերայի և բալետի ազգային ակադեմիական թատրոնի առաջատար մեներգչուհի, Հայաստանի Հանրապետության վաստակավոր արտիստուհի, միջազգային մրցույթների եռակի ոսկե մեդալակիր և երեք «Գրան պրի»-ների դափնեկիր Անահիտ Մխիթարյանի կատարումներն էին:

Կորոնավիրուսի համավարակով պայմանավորված՝ մշակութային կյանքը շատ այլ ոլորտների նման հարկադրված դադարի մեջ է: Սակայն տանը մեկուսացած լինելով հանդերձ՝ արվեստագետը չի կարող փակվել ինքն իր մեջ, առավել ևս՝ չստեղծագործել: Ինչպես  հսյտնեցին ՀՀ նախագահի աշխատակազմի հասարաայնության հետ կապերից, այդ մասին երգչուհին հավաստիացրել է նախագահ Արմեն Սարգսյանի հետ հեռավար զրույցում՝ նշելով, որ որ տանը մնալով էլ շարունակում է երգել: Ճիշտ է, այս դեպքում խոսքը համերգային բեմի կամ բազմահազարանոց դահլիճի մասին չէ, սակայն կյանքը շարունակվում է:

Ակնկալվում է, որ ապագայում նույնպես «Նախագահական համարգաշար»-ի շրջանակում համագործակցությունը երգչուհու հետ կշարունակվի: