«Արթուր Մեսչյանի ձախողման պատճառը կառավարությունն է»
Հասարակություն
«Ես չեմ կարծում, որ այդ երկու տարվա մեջ Մեսչյանը ինչ-որ մի բան փոխել է ասպարեզում»,- այս մասին ԼՈՒՐԵՐ.com-ի հետ զրույցում ասաց ՀԽՍՀ վաստակավոր ճարտարապետ Սաշուր Քալաշյանը:
Ըստ ճարտարապետի՝ այն մի շարք ծրագրերը, որոնք Մեսչյանը մտադիր էր կյանքի կոչել, ձախողվել են ոչ նրա պատճառով. «Այդ ծրագրերի չիրականացվելը միայն Մեսչյանի գործունեության հետ կապված չէր, և իր կամքի խնդիրը չէր միայն, դա համակարգի խնդիրն էր: Համակարգը չի փոխվել, և միայն Մեսչյանով հարց չի լուծվի: Մեսչյանը կլինի, թե ես կլինեմ, որպես բողոքարկող կողմ, չեմ կարողանա լուծել այդ հարցերը, քանի դեռ կառավարման համակարգն իր իներցիայի սովորույթները պահել է, այսինքն՝ օրենքի գերակայություն չկա»,- ընդգծեց Սաշուր Քալաշյանը:
Նա այն կարծիքին է, որ Արթուր Մեսչյանն իրեն լսող չունի. «Ինքն արդեն մամլիչի տակ է, և իր ծրագրերի վերաբերյալ անձնական և օրենսդրական կարծիք հայտնելն արդեն իմաստ չունի, որովհետև Մեսչյանն իրեն լսող չունի»,- եզրափակեց ճարտարապետ Սաշուր Քալաշյանը:
Հիշեցնենք նաև, որ Երևանի նախկին գլխավոր ճարտարապետ Արթուր Մեսչյանը, իր խոստմանը համաձայան, 2 տարի անց քաղաքապետին ներկայացրեց իր հրաժարականի դիմումը:
Զվարթ Պետրոսյան
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
