Դադարեցրեք պատերազմը. մենք խաղաղության կողմնակից ենք. Գարիկ Մարտիրոսյան
ԲլոգոսֆերաԳարիկ Մարտիրոսյանը իր Instagram-ում հրապարակել է եռագույնը եւ գրառում կատարել․
« Պատերազմ. Ադրբեջանը Թուրքիայի լիակատար ռազմական եւ տեղեկատվական աջակցությամբ (իսկ դա արդեն ոչ ոք չի թաքցնում։!!) նոր պատերազմ է սկսել հայերի դեմ։ Պատերազմը եւ բռնությունը ադրբեջանական նավթային ռեժիմի բարբարոսական եւ միամիտ մեթոդներն են՝ հայ բնակչությանը վախեցնելու համար։ Հայ խաղաղ բնակչությունն այսօր առավոտյան ադրբեջանական զորքերի կողմից արձակված հրետանային ռմբակոծության հետեւանքով սպանվել եւ վիրավորվել են։ «Հակահարձակում»․ այսպես են Ադրբեջանի իշխանություններն անվանում հզոր եւ մանրակրկիտ ծրագրված ռազմական հարձակումը՝ բոլոր ուղղություններով։ Ապատեղեկատվությունը հասել է հիմարության գագաթնակետին։ Ուշադրություն! Հայաստանը չէր կարող հարձակվել կամ հրահրել մի երկրի, որի հետ Հայաստանը խնդիրներ չունի։ Խնդիրներ ունեն միայն Թուրքիայի կողմից աջակցվող Ադրբեջանի իշխանությունները։ Նրանց, միայն նրանց է ձեռնտու պատերազմը։ Հայաստանին՝ ոչ։ Ոչ մի հայ պատերազմ չի ուզում։ Մենք զոհեր չենք ուզում ոչ մեր, ոչ էլ մյուս կողմից։ Դադարեցրեք պատերազմը. Մենք խաղաղության կողմնակից ենք»։