ՄԱԿ-ի գլխավոր քարտուղարն առաջարկել է Ղարաբաղ ուղարկել ԵԱՀԿ դիտորդներին
ԱդրբեջանՄԱԿ-ի Գլխավոր քարտուղար Անտոնիո Գուտերեշը հեռախոսազրույց է ունեցել Ադրբեջանի նախագահ Իլհամ Ալիևի հետ և կոչ արել անհապաղ դադարեցնել զինված գործողությունները և ԵԱՀԿ դիտորդներին ուղարկել հակամարտության գոտի։ Նույն կոչը նա կուղարկի այսօր ՀՀ վարչապետ Նիկոլ Փաշինյանին: Այդ մասին ճեպազրույցում ասել է Գլխավոր քարտուղարի խոսնակ Շտեֆան Դյուժարիկը: «ՄԱԿ-ի գլխավոր քարտուղարը հենց նոր խոսեց Ադրբեջանի նախագահի հետ։ Նա շուտով կխոսի նաև Հայաստանի վարչապետի հետ: Հեռախոսազրույցի ընթացքում նա կասի նույնը, ինչ ասել է Ադրբեջանի նախագահին, այն է՝ անհապաղ դադարեցնել կրակը և անմիջապես վերսկսել բանակցությունները առանց նախապայմանների Մինսկի խմբի համանախագահների հովանու ներքո, ինչպես նաև ԵԱՀԿ դիտորդների անհապաղ գործուղել տարածաշրջան», - ասել է Դյուժարիկը: